АҚЖОЛТАЙ ХАБАР

Құрметті оқырман, тіл жанашырлары және облыс тұрғындары!

Қызылорда облысының тілдерді оқыту орталығы бүгіннен бастап жаңартылған логотиппен өз жұмысын жалғастыратынын хабарлаймыз.   Жаңа логотип Орталықтың фирмалық стилін жаңарту мақсатында өткізілген байқау нәтижесінде таңдалып, ресми түрде бекітілді. 

Аталған логотип 2025 жылдың 3 наурызынан бастап барлық ресми құжаттарда, жарнамалық материалдарда, ресми веб-сайтта және басқа да ақпараттық ресурстарда қолданылады.

Логотип авторы — Байжанова Салтанат Қияқбекқызы. 

 Жаңа логотип – Орталықтың жаңарған бейнесі мен құндылықтарының айқын көрінісі. Ол заманауи дизайн мен дәстүрлі элементтердің үйлесімін сақтай отырып жасалған.

Логотиптің негізгі құрылымына тоқталсақ:

Қорқыт ата кесенесінің пішіні -түркі әлемінің мәдени мұрасын бейнелейді. Халықты өз жыр-күйлерімен тамсантқан Сырдың бойына мәңгілік өмір өнерде ғана болады деп қобызды ойлап тапқан қобызшының кесенесі. 

Қошқармүйіз ою — қазақ халқының оюы қойдың төбесі мен екі жаққа иіріле түскен мүйіз бейнесінде, оның қолтық тұсынан қойдың құлағын долбарлайтын тағы бір шолақ мүйіз

тәрізді екі буын шығып тұратын ою-өрнек.

Кітап пішіні — адамзаттың ең жақын досы және ақылшысы, 

даналық пен білімнің қайнар көзі.

  Кітап — білім қазынасының кілті, ойдың бұлағы болғандықтан халқымыз оны киелі, қадірлі санаған. 

Қарындаш - жазуға арналған құрал. Логотипте қарындаш  

сөздегі «і» әрпінің орнына бейнеленген. Логотиптегі қарындаш бейнесі элементінің төменгі бөлікке орналасуы жазудың жоғарғы бөлігіндегі біркелкілікті сақтау және қарындаштың үшкірі логотиптің төменгі бөлігіндегі элементтерді бағыттап көрсету мақсатында таңдалды. Бұл шешім логотиптің тұтастығы мен көркемдік үйлесімін қамтамасыз ету үшін қабылданған. 

Күріш сабағының бейнесі - Сырдың байлығы, дәмді астығымыз. 

Сырдарияның бейнесі - Қызылорданың көркі. Орталық Азияның өзені. 

Орталық үшін бұл өзгеріс – жаңашылдыққа ұмтылудың және заманауи талаптарға сай дамудың маңызды қадамы. Жаңа логотип оң өзгерістердің бастауы болсын!

 Қызылорда облысының тілдерді оқыту орталығы