Жаңалықтар
131
Қызылорда облысындағы 22-разъезд ауылына қазақша атау берілмек
Қызылорда облысы Шиелі ауданына қарасты 22 разъезд ауылына қазақша атау беріледі. «Ашық» НҚА порталында жарияланған облыс әкімдігінің қаулысы мен маслихаттың шешім құжатында осылай жазылған.
Халықтың пікірін ескере отырып, облыстық әкімдік қаулысы мен маслихат шешіміне сәйкес, Шиелі ауданының Бәйтерек ауылдық округіндегі 22 разъезд ауылы Ынтымақ ауылы болып аталсын,
- деп көрсетілген әкімдік пен маслихаттың бірлескен шешімінде.
Қоса кетейік, бұған дейін Ақмола облысына қарасты Аршалы ауданындағы 2 ауыл мен 1 ауылдық округке қазақша атау берілген еді. Атап айтқанда, Донецкое ауылы – Анаркөл, Волгодонов ауылы – Елтоқ және Волгодонов ауылдық округі - Елтоқ ауылдық округі деп өзгерді.
Ақпарат көзі: ҚазАқпарат.
