Қарағанды облысында жүк вагоны рельстен шығып кетті

 Қарағанды облысы Қарабас учаскесінде жүк вагоны рельстен шығып кетті.

 "2022 жылдың 17 қарашасында Қарағанды облысының Қарағанды – Сұрыптау – Ақадыр учаскесінің 767 Қарабас - ОП аралығында жүк пойызының 14 вагоны рельстен шығып кетті. Оқыс оқиға 06 сағат 15 минутта орын алған. Құрбандар мен зардап шеккендер жоқ",- делінген ҚТЖ хабарламасында.

 Бұл учаскеде жолаушылар және жүк пойыздарының қозғалысы уақытша тоқтатылды. Алдын ала болжам бойынша, рельстен шығу жеке меншікке тиесілі вагондардың дұрыс жұмыс істемеуінен болған.

 ҚТЖ-да болған оқиғаның мән-жайын анықтау үшін арнайы комиссия құрылды.